На базе Магдалінскага сельскага Дома культуры Кобрынскага раёна ў 1991 г. быў створаны ансамбль песні і музыкі «Зараніца». Заснавала калектыў і да гэтага часу ім кіруе Алена Паўлаўна Букач. Сама яна родам з в. Рыбна Кобрынскага раёна. Гадавалася ў музычнай сям’і: бацька граў на баяне, мама прыгожа спявала. Ад бацькоў Алена пераняла любоў да народнай песні і старадаўніх народных абрадаў.